Кампанія ў падтрымку музыкаў, якія нягледзячы на небяспеку рэпрэсій дэманструюць грамадзянскую пазіцыю і натхняюць беларусаў сваёй творчасцю. У межах кампаніі адбыліся дзесяткі канцэртаў у Беларусі і свеце, зняты дакументальны міні-серыял і заснаваны медыяпраект.

Падтрымаць музыкаў.

Мы ініцыявалі міжнародную кампанію па выключэнні Белтэлерадыёкампаніі са складу ўдзельнікаў Еўрапейскага вяшчальнага саюзу (EBU), а таксама супраць удзелу прадстаўнікоў БТРК у конкурсе песні «Еўрабачанне-2021». У выніку EBU дыскваліфікаваў афіцыйнага прадстаўнікаў Беларусі праз «парушэнне правілаў конкурсу».

Алесь Пушкін – мастак, рэстаўратар і перформер. Быў арыштаваны за партрэт удзельніка пасляваеннага падполля Яўгена Жыхара. За яе, а таксама выявы іншых беларускіх дзеячаў Другой сусветнай вайны і рэмэйк уласнага перформанса з тачкай гною «Падарунак прэзідэнту» Алеся асудзілі да 5 гадоў калоніі строгага рэжыму.

Падтрымаць рэпрэсаваных беларускіх творцаў

Беларуская Рада культуры разам з офісам Святланы Ціханоўскай, Нацыянальным Антыкрызісным Упраўленнем Паўла Латушкі і Каардынацыйнай Радай абвяcцілі 7 ліпеня Міжнародным днём беларускай культуры.

Падрабязней тут

Кампанія ў падтрымку музыкаў фэнтэзі-фолк гурта Irdorath і іх сяброў, затрыманых 2 жніўня на лецішчы пад Мінскам. Лідары гурта Надзея і Уладзімір Калачы атрымалі па 2 гады калоніі, Антон Шніп, Пётр і Юлія Марчанкі — па 1,5 гады калоніі. Бо гралі на вуліцах падчас масавых шэсцяў у Мінску ў жніўні 2020 года.

Падтрымаць рэпрэсаваных беларускіх творцаў

Разам з супольнасцю беларускіх спецыялістаў у сферы кіно мы ініцыявалі кампанію па пазбаўленні Мінскага Міжнароднага кінафестывалю “Лістапад” акрэдытацыі ў FIAPF — Міжнароднай федэрацыі асац ыяцый кінапрадзюсараў. І дамагліся пазітыўнага выніку: кінафэст, рэпутацыя якога была скампраметавана ўладамі з-за палітычна матываванай змены дырэкцыі, пазбаўлены акрэдытацыі ў прэстыжнай міжнароднай арганізацыі.

З пачатку сакавіка 2022 года, пасля жорсткага ўварвання Расіі на тэрыторыю Украіны, мы дакументуем гісторыю дапамогі, падтрымкі, супрацоўніцтва беларусаў і ўкраінцаў у драматычных умовах вайны.

Instagram Facebook Twitter Telegram (BY) Telegram (UA) TikTok

Беларускія творцы ў падтрымку Украіны

Наша кампанія прыцягнення ўвагі да беларускай культуры ў 2022 годзе. Агульным слоганам святаў сталі словы Belarus Must Go On. Беларускія выстаўкі, канцэрты, спектаклі, кінапаказы праходзяць па ўсім свеце. Беларусь жыве там, дзе жывуць беларусы. І мы можам доўжыць нашу краіну, фармаваць нацыю праз адметны інструментарый, які дае культура.

Мапа свята яднае больш як 100 імпрэзаў у 37 гарадах 16 краінаў.

Кампанія інтэграцыі культуры і IT. У яе межах прайшоў сам хакатон, для акселерацыйнай праграмы абраныя найлепшыя праекты з ліку прапанаваных. Гэта дадаткі-навігатары па спадчыне і гісторыі, аплікацыя для вывучэння беларускай мовы дзецьмі, агрэгатар віртуальных выстаў і інш. З ліку ўдзельнікаў, ментараў і ўсіх зацікаўленых сфарміравалася асобнае камʼюніці.