У межах Трэка 2. Творчыя праекты мастацтвазнаўца Мікіта Моніч рэалізуе цыкл відэа для падлеткаў і іх бацькоў, які дапамагае пазнаёміцца з мастацтвам без музейнага пафасу і складаных тэрмінаў. Праект задуманы як першая прыступка да свету культуры — месца, дзе можна спакойна і з цікавасцю адкрываць для сябе мастацтва і беларускую культурніцкую спадчыну.
«Якое бывае мастацтва? Рознае, як і ўсе людзі на зямлі. І як з людзьмі, з творамі мастацтва можна быць на адной хвалі, а можна і не знайсці агульную мову. Можна закахацца з першага погляду ці ўзненавідзець на ўсё жыццё. Але галоўнае, пакуль не пазнаёмішся, не дазнаешся, што ў тваё жыццё прынясе гэтая сустрэча», — кажа Мікіта.
У цыкле «Дзеці каля культуры» Мікіта Моніч не аберагае музейны пыл і не ўзвышае каноны. Яго відэа дапамагаюць проста і жывой мовай прыадчыніць дзверы ў новы для падлеткаў свет, дзе ёсць месца і для іх саміх, і для беларускай культуры.
Пабачыць відэа можна тут:
