Праекты і кампаніі
Культура і медыя
Беларуская Рада культуры імкнецца інфармаваць грамадства і прадстаўнікоў замежных арганізацый пра дасягненні і праблемы сучаснай беларускай культуры. Гэта важна для захавання нацыянальнай ідэнтычнасці, падтрымкі таленавітых асоб, павышэння культурнага ўзроўню насельніцтва і вырашэння праблем сацыяльнай несправядлівасці.
Магістрат
Сайт: mahistrat.byculture.org
Telegram: t.me/bielmahistrat
Магістрат – гэта суполка беларусаў, якія дамаўляюцца цягам пэўнага перыяду падтрымліваць перспектыўныя праекты беларускай справы вызначанаю сумаю грошай. Першы магістрат — «Кнігаўка», у падтрымку выдавецкай справы Андрэя Янушкевіча.
Васьміног
Сайт: vasminoh.school
Telegram: t.me/vasminoh_adukacyja
Праект “Васьміног: адукацыя для беларускіх дзяцей сёння і заўтра” адкрывае новыя магчымасці для беларускіх школьнікаў і настаўнікаў як унутры краіны, так і за мяжой. Падчас рэалізацыі праекту было падтрымана 30 адукацыйных беларусацэнтрычных праектаў на суму ў 430 000 еўра, створана інавацыйная онлайн-платформа і наладжаны выпуск адукацыйных відэаматэрыялаў. Роля нашай арганізацыі ў праекце – інфармацыйнае суправаджэнне, дапамога ў арганізацыі калабарацыі дзеячаў культуры з адукацыйнымі ініцыятывамі, стварэнне адукацыйных відэапрадуктаў. Праект “Васьміног” фінансуецца Еўракамісіяй.
ArtPower Belarus
Сайт: https://byculture.org/artpower_belarus/
Telegram: @artpower_belarus
Маштабная праграма падтрымання беларускай культуры праз фінансаванне мастацкіх, даследчых праектаў і мабільнасцяў культурніцкіх дзячаў, акумуляванне магчымасцяў і адукацыю ў галіне арт-менеджменту. Рэалізуецца Беларускай Радай культуры і Дацкім інстытутам культуры пры фінансавым спрыянні Еўразвязу. Падчас першай эдыцыі праграмы (2022 – 2025) падтрыманыя 83 творчыя праекты і 57 мабільнасцяў.
Культурны код
Сайт: kulturnykod.byculture.org
Нэтворкінг-чат: t.me/kulturny_kod
Кампанія інтэграцыі культуры і IT. У яе межах прайшоў сам хакатон, для акселерацыйнай праграмы абраныя найлепшыя праекты з ліку прапанаваных. Гэта дадаткі-навігатары па спадчыне і гісторыі, аплікацыя для вывучэння беларускай мовы дзецьмі, агрэгатар віртуальных выстаў і інш. З ліку ўдзельнікаў, ментараў і ўсіх зацікаўленых сфарміравалася асобнае камʼюніці.
Newsletter
#04-2025
27 чэрвеня 2025
Толькі самае важнае. Коратка. Па справе. У скрыні вашай электроннай пошты.
Расповеды пра праекты і кампаніі, якія ладзіць Беларуская Рада культуры, падзеі з жыцця арганізацыі, канферэнцыі і форумы, у якіх бяруць удзел нашыя прадстаўнікі. Справаздачы, даследаванні і аналітыка.
Будзьце ў курсе апошніх падзей Беларускай Рады культуры! Рассылка дасылаецца на англійскай мове.
У сённяшніх геапалітычных умовах, калі вайна і крызісы змяняюць мапу рэгіёна, культура становіцца фактарам бяспекі і палітычнага выбару. Для Беларусі гэта асабліва востра: незалежная культура стрымлівае экспансію «русского мира», захоўвае мову, памяць і еднасць грамадства. Нашая культура — фактар захавання бяспекі ў Беларусі і шырэй — у Еўропе. Чаму культура — гэта больш, …
Шэраг культурніцкіх арганізацый прапанаваў змяніць падыход да арганізацыі палітычных і іншых форумаў і ўвесці тэму культуры ў прыярытэт абмерквання на ўсіх важных падзеях прысвечанах Беларусі. Культура не проста адлюстроўвае змены ў грамадстве — яна іх стварае. Пры разглядзе глабальных пытанняў дэмакратыі, бяспекі і эканамічнай устойлівасці культуры часта адводзіцца другасная роля, а часам яе …
Адвакацыйная медыякампанія з мэтай рэ:візіі беларускіх артэфактаў у сусветных музеях. Блукаючы заламі замежных музеяў і галерэй, мы таксама раз-пораз сустракаем аб’екты і творы мастацтва, так ці іначай звязаныя з беларускімі землямі. Але вельмі часта музейныя апісанні абмінаюць якую-кольвек іх прыналежнасць да Беларусі.
“Укладаючыся ў культуру, мы падтрымліваем сацыяльную адказнасць і грамадзянскі актывізм… Мы ўкладаемся ў права на крэатыўнае самавызначэнне і роўныя магчымасці на асабісты рост. Мы атрымліваем права на жыццё, на выбар будучыні і свабоду творчасці. Гаворка пра рэанімацыю нацыі. Гэта больш чым культура”. Максім Жбанкоў і Мікалай Халезін пры ўдзеле Надзеі Зелянковай напісалі маніфест …
