У межах праекта падтрыманая адукацыйная дзейнасць рэпрэсаваных настаўнікаў.
Гэта праект пра тое, як захоўваць нацыянальную ідэнтычнасць у выгнанні не «па святах», а ў штотыднёвай практыцы праз навучанне і супольныя заняткі. Для дзяцей прадугледжаныя ўрокі роднай мовы і літаратуры, гісторыі Беларусі, творчыя майстэрні, батлейка, традыцыйныя песні, танцы і гульні, а таксама ўдзел у каляндарных абрадах.
Праект рэалізуеццаў Варшаве і Гданьску з лістапада 2025 па травень 2026 года.
Для даведкі:
Беларуская школа ў Варшаве працуе з 2022 года як анлайн і афлайн адукацыйная прастора для дзяцей, якія апынуліся ў Польшчы і іншых краінах пасля крызісу ў Беларусі. Сёння многія аддзяленні БШВ сталі самастойнымі школамі, а сама ініцыятыва працягвае падтрымліваць беларускіх дзяцей у розных частках свету, каб яны не гублялі мову, культурны кантэкст і магчымасць «бясстратна» вярнуцца ў ведах да сваёй краіны, калі гэта стане магчымым.
