Конкурс Крэатыўных Ідэй
Перавага будзе аддавацца хуткім у плане рэалізацыі праектам (вулічныя графіці, творчы перформанс, відэа-арт ды інш.) Разам — ствараем вольную культурную прастору новай Беларусі.
Аўтар Праекту
Асоба ці калектыў
Досвед папярэдняй працы з грантавымі праектамі і донарскімі структурамі
Так/не, калі так – з якімі
Апісанне праекта
да 1000 знакаў
Мэта праекта і запланаваныя вынікі/эфект
Што і навошта
Актуальнасць праекта
Тэрміны рэалізацыі
Таймінг праекта
Як ён будзе рэалізаваны паэтапна
Мэтавая аўдыторыя праекта
хто, дзе, колькi, хто мяркуецца адрасатам, гледачом, наведвальнікам і г.д.
Спосабы распаўсюду
Як будзе распаўсюджвацца ваш творчы прадукт сярод вашай аўдыторыі?
Бюджэт
Распісаць па пазіцыях
Адрас электроннай пошты
Форма дапамогі культурным дзеячам
Адпраўце вашу заяўку і мы звяжамся з вамі ў бліжэйшы час.
Імя, Прозвішча
Род дзейнасці
Распавядзіце нам пра Вашую сітуацыю і чым мы можам дапамагчы
Як нам з Вамі звязацца?
Пазначце, калі ласка, найбольш зручны сродак сувязі
Адрас электроннай пошты
Пакіньце свой подпіс пад Маніфестам і Лістам падтрымкі
Дзякуй за вашу падтрымку. Разам — ствараем вольную культурную прастору новай Беларусі.
Імя, Прозвішча
Месца працы ці занятак
Адрас электроннай пошты
Прапануйце свой лот ў падтрымку беларускай культуры
Дзякуй за вашу падтрымку. Разам — ствараем вольную культурную прастору новай Беларусі.
Апісанне лота
Што вы пранануеце?
Фатаздымак
Месца працы ці занятак
Імя, Прозвішча
Адрас электроннай пошты
Падтрымка беларускага тэатра
БРК падтрымала паўстанне некалькіх спектакляў з удзелам рэпрэсаваных актораў і трупаў, якія не пабаяліся выказаць грамадзянскую пазіцыю пасля масакры ў жніўні 2021. У прыватнасці з'явілася відэаверсія спектакля «Дракон». Трупа тэатра не можа атрымаць дазвол на дэманстрацыю спектакля офлайн.

Youtube
Казкі з Маляванычам
Маляваныч — адзін з самых паспяховых персанажаў і вядоўцаў легендарнай тэлеперадачы «Калыханка», якая дзесяткі год транслюецца на дзяржаўным ТВ.
Увосень 2020 актор Аляксандр Ждановіч заступіўся за жанчыну, супраць якой ужывалі гвалт супрацоўнікі АМОНа. У выніку актора кінулі за краты на 9 сутак.
У снежні пры падтрымцы РБК была створана серыя «Казкі з Маляванычам» — гісторыі з розных часоў і народаў для дзетак, праілюстраваныя мастачкай Вольгай Якубоўскай.

Youtube
Красная Зелень
БРК падтрымала старт ужо нашумелага дуэта опернай спявачкі Маргарыты Ляўчук і Паўла Павука — блогера з пасёлка Акцябрскі.

Youtube
Мемарыяльная дошка Консульства БНР у Кіеве
РК сумесна з Free Belarus Center у Кіеве ініцыявала збор сродкаў на ўсталяванне мемарыяльнай дошкі ва ўкраінскай сталіцы на будынку, дзе ў 1918 годзе знаходзілася консульства Беларускай Народнай Рэспублікі. Далучыцца можа кожны.

Падтрымаць праект
Артысты Перамогі
Анлайн-фэст #АртыстыПерамогі — дабрачынныя канцэрты музыкаў, якія выступілі супраць гвалту і тыраніі, і сваёй творчасцю падтрымліваюць беларусаў у жаданні жыць у прававой і свабоднай дзяржаве. Часта, цаной уласнай свабоды. Усе выручаныя сродкі з канцэртаў live ідуць на падтрымку рэпрэсаваных дзеячоў культуры.

Падрабязней тут.

Youtube
#stopBTRС
Мы ініцыявалі міжнародную кампанію па выключэнні Белтэлерадыёкампаніі са складу ўдзельнікаў Еўрапейскага вяшчальнага саюзу (EBU), а таксама супраць удзелу прадстаўнікоў БТРК у конкурсе песні «Еўрабачанне-2021». У выніку EBU дыскваліфікаваў афіцыйнага прадстаўнікаў Беларусі праз «парушэнне правілаў конкурсу». Кампанія працягваецца — наступная задача: пазбавіць права БТРК праводзіць сваю версію брытанскага тэлешоў «X-фактар».

Twitter
#FREEPUSHKIN
Алесь Пушкін — беларускі мастак, рэстаўратар і перформер, які быў арыштаваны за карціну з выявай удзельніка пасляваеннага падполля Яўгена Жыхара. Карціна выстаўлялася ў беларускіх і замежных галерэях. Цяпер Алесю Пушкіну пагражае 12 год зняволення. Агулам пад арыштам знаходзяцца больш за 20 дзеячаў культуры Беларусі.

Падтрымаць іх можна тут.

Facebook
Міжнародны тыдзень беларускай культуры
Беларуская Рада культуры разам з офісам Святланы Ціханоўскай, Нацыянальным Антыкрызісным Упраўленнем Паўла Латушкі і Каардынацыйнай Радай абвяcцілі 7 ліпеня Міжнародным днём беларускай культуры.
Падрабязней тут
Кожны дзень
Вялікая выстава беларускага пратэстнага мастацтва, якая адкрылася ў нацыянальным мастацка-культурным комплексе «Мистецький Арсенал» у Кіеве на Дзень Волі, 25 сакавіка 2021 г.

Падрабязней тут.
Art is freedom
Фотапраект творчай суполкі «Freedom Belarus», у якім узялі ўдзел беларускія дзеячы культуры, якія зазналі ціск і перажылі рэпрэсіі за сваю дзейнасць і пазіцыю. Прэзентаваны 21.12.2020 г.


Падрабязней тут.
Miensk 2020
Мастацкі караткаметражны фільм рэжысёркі Анастасіі Мацкевіч, які з'явіўся як водгук на падзеі на Плошчы Перамен 15.11.2020 і прысвячаецца памяці Рамана Бандарэнкі. Прэм’ера адбылася 12.01.2021

Падрабязней тут.
Зацьменны блюз
Новы альбом легенды беларускага року — гурта «Крама», які выйшаў увесну 2021 г.
Леаніды вяртаюцца…
Новы альбом гарадзенскага музыкі Алеся Дзянісава на словы Уладзіміра Караткевіча.

Падрабязней тут.
Лётае арол
Кліп мужчынскага камернага хору «Унія» на паўстанцкую песню 1863 года. Прэзентаваны ўвосень 2020 г.

Падрабязней тут.
SloMO
Дабрачынная анлайн-лекцыя культур-аналітыка Максіма Жбанкова ў музычным суправаджэнні Арцёма Залескага ў падтрымку будучай кнігі і ў падтрымку незалежных аўтараў, распаўсюднікаў і выдаўцоў. Прэм’ера адбылася 26.02.2021

Падрабязней тут.
Аўтарскія паштоўкі Мілы Коткі
Серыя аўтарскіх паштовак у колерах беларускай свабоды мастачкі Мілы Коткі. Зробленыя з выкарыстаннем натуральных ягад, зёлак і раслінаў. Пабачылі свет у студзені 2021 г.

Падрабязней тут.
Belarus rising
Фотаальбом з інфармацыяй на ангельскай мове, прысвечаны беларускім пратэстам-2020. Выдадзены 13.12. 2020 г. для бясплатнага распаўсюду
gavarun.by
Падтрымка незалежнай студыі, якая агучвае па-беларуску мультфільмы і стужкі

Падрабязней тут.

Міжнародны тыдзень беларускай культуры

5–11 ліпеня 2021
Беларуская рада культуры абвяшчае

Дзень беларускай культуры

Photo by Daria Sapranetskaya
7 ліпеня
Photo by Daria Sapranetskaya
Мы запачаткоўваем новае свята для новай Беларусі
На гэты момант беларускага Дня культуры, а тым больш міжнароднага — няма. Мы прапаноўваем гэта змяніць і ўшанаваць той унёсак, які наш народ зрабіў у сусветную культуру. 7 ліпеня — дзень, калі мы адзначаем дні народзінаў Янкі Купалы, Марка Шагала, Яна Чачота — культурных дзеячаў Беларусі, вядомых далёка за яе межамі. Таксама ў ноч з 6 на 7 ліпеня шмат хто ў Беларусі адзначае Купалле, свята кахання і свабоды.
Беларуская культура ў адзін дзень ніяк не змесціцца, таму святкаваць будзем увесь тыдзень!
Чаму гэты дзень?
Лавіна крэатыву мінулага года паказала: культура беларусаў мацнейшая за дыктатуру. Менавіта культура яднае нацыю. Яна — рухавік пераменаў.
Беларуская культура — вартая сусветнай увагі!
Чаму гэта важна?
Распачаць штогадовую традыцыю святкавання нашай культуры мы прапаноўваем вершам Янкі Купалы «А хто там ідзе?», які перакладзены больш як на сто моваў свету!
Мы працягваем справу, якую запачаткавалі нашыя продкі і агучыў Купала — мы ствараем нацыю, незалежную, моцную, творчую, міралюбную. Як і сто гадоў таму, беларусы прагнуць галоўнага: людзьмі звацца.
Што будзем рабіць?
Далучайцеся!
Прачытайце гэты кароткі і такі магутны верш і апублікуйце запіс з гэштэгам #by_culture.

***
А хто там ідзе, а хто там ідзе
У агромністай такой грамадзе?
— Беларусы.

А што яны нясуць на худых плячах,
На руках у крыві, на нагах у лапцях?
— Сваю крыўду.

А куды ж нясуць гэту крыўду ўсю,
А куды ж нясуць на паказ сваю?
— На свет цэлы.

А хто гэта іх, не адзін мільён,
Крыўду несць наўчыў, разбудзіў іх сон?
— Бяда, гора.

А чаго ж, чаго захацелась ім,
Пагарджаным век, ім, сляпым, глухім?
— Людзьмі звацца.
Спампаваць плакаты, афішы, лагатыпы, стыкеры і прынты BY_CULTURE тут
•ускладаць кветкі да помнікаў беларускім дзеячам культуры
•калі вы жывяце за мяжою – уздымайце наш сцяг над вашымі мэрыямі, знакавымі мясцінамі і ўласнымі дамамі
•спяваць беларускія песні (рыхтуем для вас цэлы плэйліст з караоке-версіямі самых культавых гітоў)
•распавесці пра свайго ўлюбёнага сучаснага беларускага творцу – гэта можа быць і Лявон Вольскі, і сусед – мастак-аматар
•плесці вянкі (хто не ўмее – навучым)
•святкуйце Купалле, запускайце феерверкі, намалюйце ўласную папараць-кветку і загадайце галоўнае жаданне!
Імпрэзы будуць ладзіцца цягам усяго тыдня ў Беларусі і за яе межамі, онлайн і офлайн.
Вось яшчэ некалькі прапановаў:
Сачыце за абвесткамі ў нашых сацсетках!
Вітаем вашыя ўласныя ідэі!
Важна! Публікуйце вашыя навіны з гэштэгам #by_culture!
Дзяліцеся беларускай культурай з замежнымі сябрамі!

Прачытаць пра кампанію на розных мовах можна тут.
Дызайн тыдня
Культура мацнейшая за дыктатуру