Беларуская Рада культуры збірае магістрат “Кнігаўка” для аднаўлення выдавецкай дзейнасці Андрэя Янушкевіча.Кожны можа стаць чальцом магістрату “Кнігаўка” – супольнасці людзей, якія цягам паўгода будуць штомесяц выдаткоўваць 10 альбо 20 долараў на тое, каб вядомы беларускі выдавец Андрэй Янушкевіч здолеў адрадзіць сваю справу за мяжою.
Выдавецтва “Янушкевіч” было адным з самых паспяховых у краіне, пакуль яго не знішчылі ўлады Беларусі. Некаторыя кнігі выдавецтва былі прызнаныя дзяржаваю “экстрэмісцкімі”, а кнігарня “Кнігаўка”, якую “Янушкевіч” адкрыў у Менску 16 траўня 2022 года, закрылася ў той жа дзень: спачатку туды прыйшлі беларускія прапагандысты, а пасля – сілавікі з ператрусам. Уладальніка выдавецтва Андрэя Янушкевіча затрымалі, ён правёў у зняволенні 28 дзён.