Пад арыштам

Пакіньце заяўку, калі вам патрэбна падтрымка ці вы хочаце паведаміць пра выпадак ціску ці рэпрэсій.
За час пратэстаў супраць гвалту і тыраніі ў Беларусі былі падвергнуты рэпрэсіям, у тым ліку арыштам і катаванням, больш за 35 000 чалавек.
Больш за 920 чалавек цяпер адбываюць пакаранні паводле крымінальных выракаў.
Больш за 70 чалавек звязаных з культурай цяпер знаходзяцца за кратамі паводле палітычна матываваных абвінавачванняў.
Артур Аміраў
Музыкант, дыджэй з Брэста. Затрыманы 27 красавіка ў межах крымінальнай справы па ч. 2 арт. 293 Крымінальнага кодэксу (Удзел у масавых беспарадках). Асуджаны на 3,5 года пазбаўлення волі ў калоніі ўзмоцненага рэжыма. Знаходзіцца ў СІЗА № 7 у Брэсце.
Яна Арабейка
Актывістка, сябра «Задзіночання беларускіх студэнтаў», студэнтка факультэта эстэтычнай адукацыі БДПУ. Была затрымана 12 лістапада 2020 года ў «чорны чацвер», калі былі затрыманыя 11 актывістаў студэнцкага руху. Асуджаная на 2,5 гады пазбаўленне волі ў калоніі агульнага рэжыму.
Эдуард Бабарыка
Сын Віктара Бабарыкі, быў кіраўніком яго ініцыятыўнай групы. Кіраваў краўдфандынгавымі платформамі Ulej і MolaMola. Захапляецца верхавым спортам і дайвінгам. Быў затрыманы 18 чэрвеня разам з бацькам, калі ішоў у ЦВК здаваць сабраныя подпісы. Эдуарда абвінавачваюць ва «ухіленні ад выплаты падаткаў у асабліва буйным памеры». Знаходзіцца пад арыштам у СІЗА КДБ.
Віктар Бабарыка
Мецэнат, грамадскі дзеяч, меркаваны кандыдат на пасаду прэзідэнта, банкір. Ініцыятар шэрагу культурніцкіх праектаў: Міжнароднага тэатральнага форуму «Тэатр», праекта «Арт-Беларусь», у межах якога ў Беларусь былі вернутыя работы Шагала, Суціна і іншых мастакоў, стварэння культурнага хаба ОК16, пры яго садзейнічанні быў вернуты арыгінал Бібліі Францыска Скарыны. Віктар Бабарыка быў затрыманы 18 чэрвеня, калі накіроўваўся ў ЦВК для здачы сабраных подпісаў. Асуджаны на 14 гадоў пазбаўленне волі ў калоніі ўзмоцненага рэжыму.
Павел Белавус
Cтваральнік крамы Symbal.by, культурніцкі мэнэджэр. Затрыманы 15 лістапада 2021 года пасля выкліку ў міліцыю. Пасля гэтага Паўла тройчы асудзілі па адміністрацыйных справах (на 15, 13 і 7 сутак), а пасля ўжо па крымінальнай справе перавялі ў СІЗА. Падазраваны па арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Знаходзіцца ў СІЗА №1 г. Мінска.
Анжаліка Борыс
Старшыня Саюза палякаў Беларусі, непрызнанага беларускімі ўладамі. Затрымана 23 сакавіка ў Гародне за арганізацыю несанкцыянаванага масавага мерапрыемства — неафіцыйнага свята «Казюкі». Яе абвінавачваюць «у распальванні варожасці, рэабілітацыі нацызму».
Кася Будзько
Студэнтка Беларускага дзяржаўнага педагагічнага універсітэту, прыхільніца «Задзіночання беларускіх студэнтаў», з Гародні. Кася выдатна малюе, удзельнічала ў розных мастацкіх праектах, мастачка «Майстэрні паштовак салідарнасці».
Анастасія Булыбенка
Былая студэнтка БНТУ. Анастасію адлічылі падчас восеньскіх акцый пратэсту ў Беларусі. 12 лістапада яе затрымалі, абвінавачваюць «у арганізацыі групавых дзеянняў, якія груба парушаюць грамадскі парадак». Насця была пастаяннай удзельніцай КВК, конкурсаў тэатральнага майстэрства, цяпер дасылае з СІЗА размаляваныя мандалы.
Сяргей Волкаў
Актор Палесскага драматычнага тэатра. Яго ведаюць у Пінску як арганізатара культурніцкіх мерапрыемстваў. З пачаткам пандэміі Сяргей пайшоў працаваць санітарам у мясцовы шпіталь, каб дапамагчы медыкам. У Сяргея трое дзяцей, ён выхоўвае дзіця-інваліда. Асуджаны на 4 гады пазбаўленне волі ў калоніі ўзмоцненага рэжыму.
Аляксандр Галкоўскі
Гісторык, навуковы супрацоўнік, загадчык чарнобыльскага сектара аддзела старажытнабеларускай культуры Цэнтра даследаванняў беларускай культуры, мовы і літаратуры НАН Беларусі. Асуджаны на 1, 5 года “хіміі” па арт. 368 КК (Абраза прэзідэнта). Знаходзіцца ў папраўчай ўстанове адкрытага тыпу №9 г. Віцебска.
Даніла Ганчароў
Мастак па святле, працаваў у Новым драматычным тэатры, звольнены за ўдзел у забастоўцы. Быў затрыманы 15 сакавіка, яго вінавацяць у «арганізацыі дзеянняў, якія парушаюць грамадскі парадак». Асуджаны на 2 гады пазбаўленне волі ў калоніі агульнага рэжыму.
Уладзімір Гарох
Родны брат бубнача Аляксандра Гароха (Drum Ecstasy, Znich), быў асуджаны ў Наваградку на 7 год калоніі ўзмоцненага рэжыму за «абразу прэзідэнта» і «падрыхтоўку масавых беспарадкаў».
Мікалай Дзядок
Актывіст анархічнага руху, блогер, здымае відэа на грамадска-палітычныя тэмы, аўтар кнігі “Фарбы паралельнага свету“, дзе распавядае пра досвед палітычнага зняволення (2010-2015). 11 лістапада пры затрыманні быў моцна збіты, у вочы яму распылілі пярцовы газ, гвалтам прымусілі зняцца для роліку МУС, катавалі. Асуджаны на 5 гадоў пазбаўлення волі ў калоніі агульнага рэжыму
Максім Знак
Адвакат, мае навуковую ступень ў галіне права, сябра прэзідыума Каардынацыйнай рады. Максім актыўна займаецца конным спортам, грае на гітары і выконвае аўтарскія песні. Выступаў на фестывалях «Бардаўская восень» і «Бардаўская вясна». Затрыманы 18 верасня, яго абвінавачваюць у «закліках да дзеянняў, скіраваных на прычыненне шкоды нацыянальнай бяспецы РБ». Асуджаны на 10 гадоў пазбаўленняя волі ў калоніі ўзмоцненага рэжыму. Адбывае пакаранне ў ВК №3 (Віцьба).
Надзея Калач
Музыка-мультыінструменталіст, паэтка, адна з заснавальніц і ваклістка гурта Irdorath. Мае дыплом юрыста. Затрыманая 2 жніўня 2021 года на лецішчы пад Мінскам. Асуджаная на 2 гады пазбаўленне волі ў калоніі агульнага рэжыму па арт. 342 КК (арганізацыя дзеянняў, якія груба парушаюць грамадскі парадак).
Уладзімір Калач
Музыка, рэжысёр. Выпускнік Гродзенскага дзяржаўнага каледжа мастацтваў. Заснавальнік і адзін з лідараў гурта Irdorath. Аўтар візуальнага стылю гурта, майстар па касцюмах і дэкарацыях. Затрыманы 2 жніўня 2021 года на лецішчы пад Мінскам. Асуджаны на 2 гады пазбаўленне волі ў калоніі агульнага рэжыму па арт. 342 КК (арганізацыя дзеянняў, якія груба парушаюць грамадскі парадак).
Марыя Каленік
Студэнтка Беларускай дзяржаўнай акадэміі мастацтваў, уваходзіла ў ініцыятыўную групу БДАМ «Акадэмія Свабоды». Вывучала экспазіцыйны дызайн і з гэтай сферай звязвала сваю будучыню. Затрыманая па «студэнцкай справе». Асуджаная на 2,5 гады пазбаўленне волі ў калоніі агульнага рэжыму.
Марыя Калеснікава
Кіраўніца выбарчага штаба Віктара Бабарыкі, была арт-дырэктаркай культурнага хаба ОК16, флейтыстка. Арганізоўвала міжнародныя культурныя праекты ў Германіі і Беларусі, удзельнічала ў канцэртах. Марыя парвала на мяжы свой пашпарт, калі яе спрабавалі гвалтоўна вывезці з краіны. Абвінавачваецца ў публічных закліках да захопу дзяржаўнай улады. Асуджаная на 11 гадоў пазбаўленне волі ў калоніі агульнага рэжыму. Знаходзіцца ў гомельскай папраўчай калоніі № 4.
Іван Канявега
Дырэктар канцэртнага агенцтва Horse&Vega, бізнес-аналітык і SEO-аптымізатар. Іван пацыфіст, цікавіцца экалогіяй, вельмі любіць музыку. У снежні 2020 быў затрыманы на адной з вулічных акцыяў і ў лютым 2021 асуджанны на 3 гады калоніі агульнага рэжыму.
Алесь Капуцкі
Арганізатар культурніцкіх імпрэзаў і праваабаронца. Затрыманы 17 снежня 2021 года і чатыры разы запар асуджаны на адміністрацыйны арышт па 15 сутак за публікацыі ў сацыяльных сетках, якія ўлады прызналі экстрэмісцкімі. Агулам Алесь будзе ўтрымлівацца за кратамі 60 сутак. 15 лютага 2022 Алесь быў вызвалены.
Валерыя Касцюгова
Палітолаг, аналітык, заснавальніца і рэдактарка сайта экспертнай супольнасці «Наша меркаванне», рэдактарка і аўтар «Беларускага штогодніка» і кіраўніца групы экспертаў па маніторынгу «Беларусь у фокусе». Была затрымана 30 чэрвеня 2021 года. Знаходзіцца ў СІЗА № 1 г. Мінска.
Віктар Катоўскі
Бас-гітарыст берасцейскага гурта TerraKod. Затрыманы 30 верасня 2021 года ў Бярэсці. Асуджаны на 3 гады пазбаўленне волі ў калоніі агульнага рэжыму па артыкулах 369 КК (Абраза прадстаўніка ўлады), 368 КК (абраза прэзідэнта Рэспублікі Беларусь) і 130 КК (Распальванне сацыяльнай варожасці).
Дзмітрый Кубараў
Дызайнер UX/UI, асуджаны 24 сакавіка на 7 гадоў калоніі ўзмоцненага рэжыму па абвінавачванні ў арганізацыі масавых беспарадкаў праз допісы ў інтэрнэце. Быў жорстка затрыманы 11 жніўня 2020. На судзе заявіў пра катаванні і нечалавечае стаўленне да яго.
Вячаслаў Ламаносаў
Рэжысёр Белтэлерадыёкампаніі, які напрыканцы жніўня 2020 звольніўся ў знак пратэсту. Быў асуджаны на 2 гады калоніі за ўдзел у несанкцыянаванай акцыі і пабіццё тэлеаператара дзяржаўнага тэлебачання. На судзе пацярпелы аператар заявіў, што не мае прэтэнзіяў да Ламаносава.
Павел Ларчык
Музыкант з Гомеля, абвінавачаны ў гвалтоўных паводзінах адносна супрацоўніка міліцыі. Паўлу прысудзілі тры гады пазбаўлення волі ў калоніі агульнага рэжыму. Знаходзіцца ў ПК № 1 г. Наваполацка.
Ксенія Луцкіна
Журналістка, гісторык, працавала ў Белтэлерадыёкампаніі, здымала дакументальныя фільмы пра гісторыю, рыхтавала рэпартажы з Чарнобыльскай зоны — пра катастрофу і жыццё людзей пасля яе. Планавала стварыць «альтэрнатыўнае тэлебачанне» з іншымі звольніўшыміся журналістамі. У зняволенні з 22 снежня 2020.
Павел Мазько
З Берасця, 18 год, займаўся дызайнам адзення, а таксама валанцёрскай дзейнасцю, падтрымліваў людзей з інваліднасцю і дзяцей у дзіцячых дамах. Асуджаны на 3,5 гады пазбаўлення волі ў калоніі агульнага рэжыму па ч. 2 арт. 293 Крымінальнага кодэкса (удзел у масавых беспарадках).
Уладзіслаў Макавецкі
27-гадовы мастак, вядомы як аўтар 24-метровай драўлянай лыжкі, якую выразаў у Беразіне. Працаваў таксама ў цэнтры рамёстваў у Лёзне. Займаецца калекцыянаваннем і рэстаўрацыяй гістарычных артэфактаў. У снежні 2020 Уладзіслаў быў пакараны 2 гадамі калоніі агульнага рэжыма.
Пётр Марчанка
Музыка-мультыінструменталіст. Вучыўся на гістарычным факультэце БДУ, некаторы час працаваў журналістам у газеце МТЗ. Выступаў у складзе калектыву Shaman Jungle, быў удзельнікам гурта Irdorath. Затрыманы 2 жніўня 2021 года на лецішчы пад Мінскам. Асуджаны на 1,5 гады пазбаўленне волі ў калоніі агульнага рэжыму па арт. 342 КК (Арганізацыя дзеянняў, якія груба парушаюць грамадскі парадак).
Юлія Марчанка
Музыка, педагог. Выпускніца Беларускай дзяржаўнай акадэміі музыкі, працавала ў Дзіцячай музычнай школе мастацтваў №2 г. Мінска. Бэк-вакалістка гурта Irdorath. Затрыманая 2 жніўня 2021 года на лецішчы пад Мінскам. Асуджаная на 1,5 гады пазбаўленне волі ў калоніі агульнага рэжыму па арт. 342 КК (Арганізацыя дзеянняў, якія груба парушаюць грамадскі парадак).
Анастасія Міронцава
Мастачка, адна з найлепшых студэнтак Беларускай дзяржаўнай акадэміі мастацтваў. 1 красавіка была асуджаная на 2 гады пазбаўлення волі ў калоніі за «гвалт у дачыненні да супрацоўнікаў міліцыі». За кратамі з 16 кастрычніка 2020 года.
Вікторыя Міронцава
Cястра Анастасіі. Мастачка-настаўніца. Па той жа справе, што і сястра, была асуджаная на 2,5 гады зняволення ў калоніі.
Аляксандр Нурдзінаў
29-гадовы мастак з Мінска быў асуджаны на 4 гады калоніі за ўдзел у акцыі пратэсту 9 жніўня 2020 у Мінску. Яго абвінавацілі ў «раскідванні расліннасці з кветнікаў у супрацоўнікаў органаў унутраных справаў». Паводле прызнання Аляксандра, ён выйшаў на вуліцу з кватэры, каб набыць фарбы, але там пабачыў гвалт, з якім не мог мірыцца.
Дзмітрый Падрэз
Вулічны мастак, які працуе пад псеўданімам Дзіма Dream, IT-спецыяліст. Быў затрыманы 15 ліпеня 2021 года за перадачу дадзеных прадстаўнікоў сілавых ведамстваў тэлеграм-каналу «Чорная кніга Беларусі». Асуджаны на 7 гадоў пазбаўлення волі ў калоніі ўзмоцненага рэжыму па арт. 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў), 365 КК (Умяшанне ў дзейнасць супрацоўніка ўнутраных спраў) і 130 КК (Распальванне варожасці ці варажнечы).
Андрэй Папоў
Працаваў гібнікам па метале, паралельна навучаўся кампутарнай графіцы. 1 верасня быў затрыманы па справе аб удзеле ў масавых беспарадках. Мастаку прысудзілі пяць гадоў пазбаўлення волі ў калоніі.
Алесь Пушкін
Мастак, перформер, рэстаўратар. Затрыманы 31 сакавіка, яго абвінавачваюць у распальванні варажнечы за партрэт героя пасляваеннага супраціву Яўгена Жыхара. Асуджаны на 5 гадоў пазбаўлення волі ў калоніі строгага рэжыму па арт. 370 КК (Здзек з дзяржаўных сімвалаў), арт. 130 КК (Распальванне варожасці ці варажнечы).

Яўген Пятроў
Рэпер, аўтар песень. Мае творчы псеўданім nokrolik. Асуджаны на год калоніі агульнага рэжыму за абразу Аляксандра Лукашэнкі. У тэксце яго песні знайшлі словы, што сталі падставай для абвінавачвання па арт. 368 КК (Абраза прэзідэнта). Асуджаны на 1 год пазбаўленя волі ў калоніі агульнага рэжыму.
Андрэй Пятроўскі
Былы настаўнік гісторыі і грамадазнаўства са Смаргоні. Затрыманы 25 жніўня 2021, асуджаны па крымінальнай справе па ч.1 арт. 367 Крымінальнага кодэкса (паклёп на прэзідэнта). Атрымаў прысуд у выглядзе 1,5 года пазбаўленне волі ў калоніі агульнага рэжыму. Знаходзіцца ў ПК № 2 г. Бабруйска.
Кім Самусенка
Актывіст, сябра рады грамадскага руху “Дзея”, рэканструктар. Затрыманы 3 лістапада 2020 года. Абвінавачаны і асуджаны па шасці артыкулах КК. У іх ліку — арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх; несанкцыянаваны доступ да камп'ютарнай інфармацыі; апаганьванне будынкаў і псаванне маёмасці. 28 студзеня 2022 года Кіму прысудзілі 6 гадоў і 6 месяцаў пазбаўлення волі ў калоніі агульнага рэжыму. Знаходзіцца ў турме №4 г. Магілёва.
Аляксей Санчук
Барабаншчык, быў затрыманы на пачатку лістапада 2020 па абвінавачванні ў «арганізацыі групавых дзеянняў, якія груба парушаюць грамадскі парадак». Судовы вырак — 6 гадоў калоніі ўзмоцненага рэжыму.
Мікалай Сасеў
Выкладчык танцаў. Затрыманы ў ноч з 13 на 14 жніўня. Пад час следства абвінавачаны ў «жаданні справакаваць масавыя беспарадкі з дапамогай лазарных указак». Асуджаны на 5 гадоў у калоніі ўзмоцненага рэжыму.
Павел Севярынец
Cябра СБП, палітык, публіцыст, літаратар. Знаходзіцца пад арыштам з чэрвеня 2020 па абвінавачванні ў «арганізацыі масавых беспарадкаў». Асуджаны на 7 гадоў зняволення ў калоніі ўзмоцненага рэжыму.
Андрэй Скурко
Кіраўнік аддзела рэкламы і маркетынгу «Нашай Нівы», аўтар часопіса «Наша гісторыя». Журналіст, у турме піша вершы для дзяцей. Быў затрыманы 8 ліпеня 2021 года. Асуджаны на 2,5 гады калоніі за няправільна сплочаныя камунальныя паслугі: абвінавацілі ў "нанясенні маёмаснай шкоды без прыкмет крадзяжу, учыненае групай асоб па папярэдняй змове, у буйным памеры" (ч. 2 арт. 216 КК).
Павел Спірын
Блогер, яго фільм «Грань» (пра наркагандаль у Беларусі) і «Жудасная тайна генпракурора Беларусі: карт-бланш на садызм» занесены ў спіс экстрэмісцкіх матэрыялаў. Меў намер стаць кандыдатам у прэзідэнты, але яго ініцыятыўнай групе адмовілі ў рэгістрацыі. Паўла абвінавацілі ў распальванні варожасці, прысуд — чатыры гады і шэсць месяцаў калоніі.
Расціслаў Стэфановіч
Дызайнер інтэр’ераў і архітэктар, гулец каманды па амерыканскім футболе «Мінскія зубры», аўтар шматлікіх праектаў кватэр, кавярняў і іншых будынкаў у Беларусі і ў замежжы. 29 верасня быў моцна збіты і затрыманы. Атрымаў 8 гадоў пазбаўленне волі ў калоніі ўзмоцненага рэжыму па ч. 2 арт. 293 КК (Удзел у масавых беспарадках) і 218 КК (Наўмысныя знішчэнне альбо пашкоджанне маёмасці, здзейсненыя агульнанебяспечным спосабам альбо якія пацягнулі прычыненне шкоды ў буйным памеры).
Ксенія Сырамалот
Пісьменніца (друкавалася ў часопісе «Маладосць»), валанцёрка праваабарончага цэнтру «Вясна», прэс-сакратарка «Задзіночання беларускіх студэнтаў». Была затрыманая па «студэнцкай справе» ў «чорны чацвер» 12 лістапада. Асуджаная на 2,5 гады пазбаўлення волі ў калоніі агульнага рэжыму па арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
Арцём Такарчук
Архітэктар, быў асуджаны на 3,5 гады калоніі за «супраціў салдату тэрміновай службы». Арцём, удзельнік міжнародных архітэктурных конкурсаў, быў жорстка затрыманы падчас «Маршу герояў» у верасні 2020.
Глеб Фіцнер
Студэнт факультэта міжкультурных камунікацый МДЛУ. Эрудыт, цікавіўся эканомікай, фінансамі. Аднагрупніцы жартам называюць яго «эксперт у галіне ўсяго». Быў затрыманы 12 лістапада, абвінавачаны «ў групавых дзеяннях, якія парушаюць грамадскі парадак». Асуджаны на 2 гады пазбаўлення волі ў калоніі агульнага рэжыму па арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
Анатоль Хіневіч
Праграміст і бард з Барысава, быў асуджаны на 2,5 гады калоніі за тое, што падчас маршу 20 верасня «наносіў удары міліцыянту лежачы».
Наталля Хершэ
Апошнія 12 год пражыла ў Швайцарыі, мае грамадзянства гэтай краіны, там яе чакаюць дзеці і каханы муж. Наталлю затрымалі падчас Жаночага Маршу ўвосень 2020 і прысудзілі 2,5 гады калоніі за тое, што сцягнула балаклаву з АМАПаўца. У Наталлі ёсць уласная выстава партрэтаў у Швайцарыі. Пры спрыянні швейцарскіх дыпламатаў была вызваленая 18 лютага 2022 г.
Вера Цвікевіч
Актрыса, працавала ў Слонімскім драматычным тэатры. Яе фота ў жніўні 2020 года было апублікавана на першай паласе “Комсомольской правды в Беларуси”. Затрыманая 27 студзеня 2022, абвінавачваецца па арт. 342 КК (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Веру асудзілі на 1 год пазбаўлення волі ў калоніі агульнага рэжыму па арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
Антон Шніп
кампазітар, музыка-мультыінструменталіст, гукарэжысёр. Былы ўдзельнік гурта Irdorath, удзельнік праектаў Serdce, OliA. Мае сольны альбом The Way Home. Затрыманы 2 жніўня 2021 года на лецішчы пад Мінскам. Асуджаны на 1,5 гады пазбаўленне волі ў калоніі агульнага рэжыму па арт. 342 КК (Арганізацыя дзеянняў, якія груба парушаюць грамадскі парадак).
Ігар Ярмолаў
Кіраўнік школы танцаў Dance Cafe. За «падрыхтоўку да масавых беспарадкаў» яго асудзілі на 5 гадоў калоніі. Пасля прысуду Ігар крыкнуў: «Убачымся на новым судзе! Вы адкажаце за ўсё!» і зачытаў урывак вершу Уладзіміра Караткевіча «Паўлюк Багрым: О, як хочацца волі!»
Васіль Ярмоленка
Гітарыст і кантрабасіст, былы артыст Беларускага дзяржаўнага ансамбля танцаў. Грае ў гуртах Unia, “Голая Манашка”, “Мутнаевока", выступае разам з Кацярынай Ваданосавай. Затрыманы 25 студзеня 2022 года. Асуджаны на 3 гады «хіміі» з накіраваннем па арт. 342 КК (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх).
За час пратэстаў у межах кампаніі салідарнасці разам з беларускімі творцамі БРК правяла каля 10 аукцыёнаў на суму 15 000$. Усе выручаныя сродкі былі накіраваныя на дапамогу рэпрэсаваным.