Тры месяцы таму, у пачатку лютага 2026 года, Беларуская Рада культуры аб’явіла збор на падтрымку беларускага даследчыка і грамадскага дзеяча Юрася Юркевіча.
У канцы 2025 года ў Юрася выявілі пухліну мозгу – злаякасную гліябластому. Ён перанёс дзве складаныя нейрахірургічныя аперацыі, сутыкнуўся з глыбокай афазіяй – стратай маўлення і пісьма, а таксама з парушэннем функцый правай рукі. Была неабходная неўралагічная і лагапедычная рэабілітацыя, а таксама – як мінімум шэсць курсаў хімія- і радыётэрапіі, якія будуць працягвацца як мінімум да верасня 2026 года.
На сённяшні дзень мы сабралі амаль 26 тысяч еўраў на падтрымку рэабілітацыі Юрася і дапамогу яго сям’і.
Дзякуем кожнаму і кожнай, хто адгукнуўся на наш заклік і фінансава падтрымаў Юрася і яго блізкіх у гэты вельмі складаны для іх перыяд. Дзякуючы сабраным сродкам, была аплочаная арэнда кватэры на некалькі месяцаў, набытыя неабходныя медыкаменты.
Увесь цяжар забеспячэння лёг на жонку Юрася Насту, а вашая падтрымка, неацэнная і вельмі своечасовая, дапамагла сям’і выстаяць і маральна, і матэрыяльна.
Юрась мужна ідзе да свайго выздараўлення: прайшоў ужо два курсы радыётэрапіі, курс хіміятэрапіі. Наперадзе – вельмі доўгае лячэнне і рэабілітацыя, таму мы не закрываем наш збор, бо сродкі дакладна спатрэбяцца ягонай сям’і.
Мы верым, што Юрась і яго блізкія адолеюць гэты неверагодна цяжкі шлях да выздараўлення.
Падтрымаць Юрася Юркевіча можна тут.
SUPPORT THE CAMPAIGN BY CLICKING THE LINK BELOW
