Ментарская праграма ад “Культурнага Коду”, кам’юніці, што існуе пры падтрымцы Беларускай Рады культуры, завяршыла свой першы цыкл. За тры месяцы ўдзельнікі прайшлі інтэнсіўны шлях развіцця — ад ідэі да канкрэтных крокаў па рэалізацыі сваіх праектаў.
Што такое “Культурны Код”?
“Культурны Код” — гэта платформа падтрымкі міждысцыплінарных праектаў, якія аб’ядноўваюць культуру і тэхналогіі. Кам’юніці створана для таго, каб дапамагчы беларускім творцам і камандам ператварыць свае ідэі ў жыццяздольныя прадукты — з аналітыкай, ментарскай падтрымкай і магчымасцю далейшага развіцця.Асноўныя мэты праграмы:
- падтрымка праектаў з тэхналагічным кампанентам (дыджытал, ІТ, новыя медыя);
- фарміраванне супольнасці культурніцкіх інаватараў;
- развіццё экасістэмы сучаснай беларускай культуры.
Як гэта працавала?
- Адборачны пітчынг — адкрыты конкурс ідэй.
- Прамежкавая прэзентацыя прагрэсу — аналіз дасягненняў і праца з ментарамі.
- Фінальны пітчынг — прэзентацыя вынікаў працы перад журы і кам’юніці.
Усяго ў праграму былі адабраныя пяць праектаў — тры па ацэнцы экспертнай камісіі і два па падтрымцы супольнасці.
Што было зроблена падчас праграмы:
- Праведзены глыбінныя інтэрв’ю з мэтавымі групамі карыстальнікаў.
- Аптымізаваны карыстальніцкія варонкі і наладжана аналітыка праз Amplitude.
- Адзін з праектаў паказаў Retention 69% падчас тэставага запуску.
- Забяспечаны рост падтрымкі праз Patreon, а таксама публічнасць у медыя.
- Створаны стратэгіі развіцця і манетызацыі, праведзены аналіз рынку.
- Распрацаваныя B2B і B2C pitch-deck, наладжаныя першыя кантакты з патэнцыйнымі партнёрамі.
- Запушчаныя сацсеткі і іншыя каналы прысутнасці ў лічбавых асяродках.
Крытэры ацэнкі
Падчас усяго цыкла праекты ацэньваліся па наступных паказчыках:
- уклад у развіццё беларускай культуры;
- інавацыйнасць і тэхналагічны кампанент;
- патэнцыял для маштабавання;
- якасць прэзентацыі і працы каманды.
Што далей?
Удзельнікі прадэманстравалі высокі ўзровень уключанасці, гатоўнасці працаваць з аналітыкай, прадуктовым мысленнем і новымі фарматамі. Ментарская падтрымка дазволіла ім не толькі рухацца наперад, але і вызначыць свае слабыя месцы — і пачаць працаваць з імі ўжо зараз.
Наступны набор у “Культурны Код” плануецца ў другой палове 2025 года. Сачыце за навінамі на сайце Беларускай Рады культуры і ў чаце праекта ў Telegram: @kulturny_kod
