У Малдове, пасля зацвярджэння законапраекта аб стварэнні Нацыянальнага фонда культуры, запрацавала праграма падтрымкі культурніцкіх і выдавецкіх праектаў. Сёлета бюджэт інстытуцыі, якая будзе фінансаваць і арганізацыйна дапамагаць малдоўскім праектам у сферы культуры, складае 29 млн леяў (каля 1,5 млн еўра).
“Фонд будзе адміністраваць конкурсы праектаў… і забяспечваць патэнцыйны ўплыў праектаў на грамадства”,
— распавядае пра спецыфіку дзейнасці інстытуцыі міністр культуры Малдовы Сэрджу Прадан.
Адметна, што ініцыяванне закона аб стварэнні Нацыянальнага фонда культуры ў Малдове адбылося ў выніку кансультацый малдоўскіх калег з прадстаўнікамі Беларускай Рады культуры пры падтрымцы New Democracy Fund. Нашая арганізацыя зладзіла серыю лекцый і прэзентавала даследаванне пра фінансаванне культуры, што дапамагло ў выпрацоўцы канцэпцыі лабараторыі.
