photo_2025-02-24 13.29.22 (1)

Вяртаем наш сцяг у музей гісторыі польскіх габрэяў POLIN

У музеі гісторыі польскіх габрэяў POLIN у Варшаве замянілі афіцыйны дзяржаўны сцяг Беларусі на нацыянальны бел-чырвона-белы. Замена сімвала адбылася па просьбе Беларускай Рады культуры.

Беларуская Рада культуры актыўна ўдзельнічала ў працэсе беларусізацыі музея. Спачатку тут з’явіўся аўдыёгід на беларускай мове, створаны з дапамогай вядомага перакладчыка Сяргея Шупы, а пасля нашага візіту пачаліся перамовы адносна замены сцяга. Дзякуючы адкрытасці і разуменню з боку прадстаўнікоў музея цяпер бел-чырвона-белы сцяг заняў сваё заслужанае месца.

Мы працягваем падтрымліваць ініцыятывы, якія спрыяюць захаванню беларускай культуры і ідэнтычнасці па ўсім свеце. Калі вы хочаце ініцыяваць змены – пішыце нам. Разам зробім Беларусь бачнай!

Для даведкі: POLIN — адзін з найбуйнейшых музеяў у свеце, прысвечаных гісторыі яўрэяў, і Беларусь займае ў гэтай гісторыі важнае месца. У міжваенны час яўрэі складалі значную частку насельніцтва Беларусі, тут развівалася ідышкультура, працавалі школы, тэатры, універсітэты, друкаваліся газеты.

Беларуская Рада культуры

Таксама паглядзіце

У музеі гісторыі польскіх габрэяў POLIN у Варшаве замянілі афіцыйны дзяржаўны сцяг Беларусі на нацыянальны бел-чырвона-белы. Замена сімвала адбылася па просьбе Беларускай Рады культуры.

Калі вы падпадаеце пад вяртанне падаходнага падатку, можна накіраваць частку гэтай сумы на падтрымку MTÜ Valgevene Kultuuri Assotsiatsioon.