Рэпрэсіі

З 2020 года ў Беларусі рэпрэсавалі, у тым ліку праз арышты, катаванні, звальненні і іншыя віды пераследу, дзясяткі тысяч чалавек. Сярод іх – сотні дзеячаў культуры і людзей, звязаных з творчымі прафесіямі.

У адказ на патрэбу часу Беларуская Рада культуры занялася арганізацыяй службы дапамогі рэпрэсаваным творцам.

Кірунак дапамога

За час існавання кірунку дапамогі мы атрымалі больш за 1 600 зваротаў ад асобаў, якія звярнуліся ў пошуках падтрымкі. Толькі за апошнія некалькі месяцаў зафіксавана больш за 50 новых зваротаў.

Было праведзена каля 750 кансультацый па пытаннях рэлакацыі, працаўладкавання, суправаджэння дакументаў, атрымання падтрымкі з іншых фондаў і іншых аспектах.

Таксама службай аказалі фінансавую дапамогу больш чым 350 асобам, уключаючы аплату штрафаў, паслуг адвакатаў і тэрміновых выдаткаў.

Мы паспрыялі атрыманню больш за 430 віз і відаў на жыхарства.

Каля 260 чалавек, дзякуючы Беларускай Радзе культуры, атрымалі псіхалагічную дапамогу.