Сустрэча прадстаўніцы Беларускай Рады культуры Алены К. з удзельнікамі Бюро Культуры ў Варшаве дазволіла зразумець прыярытэты мясцовых уладаў у дачыненні да беларускіх творцаў. Яшчэ адна мэта сустрэчы – даведацца пра магчымасці польскага боку для беларускіх дзеячаў мастацтваў.
Бюро Культуры не ладзіць мерапрыемствы ці школы, а дае пляцоўку для камунікацыі розных удзельнікаў і ўдзельніц творчага працэсу, а таксама займаецца інфармаваннем творчай супольнасці пра дасяжныя магчымасці.
Бюро культуры вітае і наўпроставую супрацу з Беларускай Радай культуры.
“Пра конкурсы – ім трэба больш інфармацыі, таму мы будзем распавядаць пра свае праекты, навіны. Як толькі будзе аб’яўлены працяг праграмы ArtPower Belarus, мы будзем звяртаць іхную увагу на тыя праекты, якія будуць рэалізоўвацца ў Варшаве”, – распавяла Алена.
Яна таксама адзначыла, што зарэгістраваныя беларускія арганізацыі могуць звярнуцца наўпрост да Komisje Dialogu Społecznego. Пакуль што толькі 4 беларускія ўстановы з 30-ці карыстаюцца магчымасцямі камісіі, дзе ёсць такія спецыялізацыі як мастацтва, танцы і музыка.
Супрацоўнікі Бюро падкрэслілі, што ў сваёй працы яны не вылучаюць пэўную групу, якая патрабуе падтрымкі — украінскія творцы, беларускія ці іншыя,— а намагаецца стварыць роўныя ўмовы для артыстаў-мігрантаў незалежна ад паходжання. Але гэтымі магчымасцямі могуць карыстацца і беларускія творцы. Гаворка ідзе як пра фізічныя мерапрыемствы, так і пра онлайнавыя актыўнасці. Вось некаторыя з іх:
Супольнасці і ініцыятывы ў Варшаве
- Miejsca Aktywności Lokalnej (MAL) — больш за 100 месцаў для мясцовых ініцыятыў.
- Spółdzielnia — онлайн-платформа для абмену рэсурсамі.
Гранты і конкурсы
Новыя грантавыя праграмы Мінімтэрства Адукацыі (2025)
Назвы: „Młodzi Obywatele”, „Odkrywcy”, „Nasze Tradycje” з агульным бюджэтам у 90 млн zł.
Мэты: развіццё творчасці, традыцый, STEM, грамадзянскіх кампетэнцый. Больш інфармацыі: gov.pl/edukacja
Крэатыўная Еўропа — Міжнародныя праекты
Creative Europe Desk Polska — падтрымка міжнародных культурніцкіх праектаў. Дэдлайн падачы: 13 мая 2025.
Бясплатныя кансультацыі для бізнесу (онлайн)
Расклад кансультацый і тэмы: bielanski-integrator.pl
