Назва пазіцыі: Старшы грант-менеджар, адмысловец у маніторынгу і ацэнцы
Месца працы: Вільня (Літва) або Варшава (Польшча)
Тып кантракта: Працоўная дамова
Меркаваная дата пачатку працы: Сакавік 2025 года
Працягласць кантракта: 34 месяцы
Занятасць: Поўная
Тэрмін падачы заявак: Да 21 студзеня 2025 года
Апісанне пазіцыі:
Арганізацыя конкурсаў праектаў, кіраванне дзейнасцю па фінансаванні трэціх бакоў (FSTP), а таксама забеспячэнне поўнага працэсу маніторынгу і ацэнкі для эфектыўнай рэалізацыі праекта і аналізу яго ўплыву.
Абавязкі і адказнасць:
- Распрацоўка і рэалізацыя плана маніторынгу і ацэнкі для адсочвання эфектыўнасці ходу праекта і забеспячэння збору дадзеных для справаздач;
- Распрацоўка механізму і кіраванне працэсам правядзення конкурсаў праектаў, уключна з распрацоўкай рэкамендацый, крытэрыяў адбору і шаблонаў заявак;
- Арганізацыя празрыстага працэсу адбору экспертаў, каардынацыя працы экспертаў, у тым ліку навучанне ацэншчыкаў; забеспячэнне празрыстасці і справядлівасці працэсу адбору заявак;
- Правядзенне інфармацыйных сесій і семінараў для патэнцыйных заяўнікаў з мэтай тлумачэння працэсу падачы заявак, патрабаванняў да ўдзельнікаў і прыярытэтаў праграмы;
- Падрыхтоўка поўнага пакета дакументаў па конкурсе для разгляду Адборачнай камісіі;
- Удзел у пасяджэннях Адборачнай камісіі і вядзенне запісаў аб прынятых рашэннях;
- Збор, праверка і апрацоўка заявак з выкарыстаннем сістэмы кіравання грантамі (GMS);
- Падрыхтоўка дамоваў на гранты з улікам патрабаванняў фінансавання Еўразвязу і кіраванне імі сумесна з фінансавым менеджарам;
- Забеспячэнне сталай тэхнічнай і адміністрацыйнай падтрымкі атрымальнікам грантаў, уключна з рэкамендацыямі па справаздачах, выкананні патрабаванняў і фінансавым менеджменце;
- Распрацоўка і рэалізацыя комплекснай структуры маніторынгу і ацэнкі для адсочвання вынікаў выдачы грантаў і агульных вынікаў праекта;
- Распрацоўка ключавых паказчыкаў эфектыўнасці (KPI) і вымяральных арыенціраў для ацэнкі поспеху фінансаваных актыўнасцяў;
- Стварэнне інструментаў і шаблонаў збору і аналізу дадзеных для стандартызацыі працэсу маніторынгу і ацэнкі;
- Арганізацыя прамежкавых і фінальных ацэнак фінансаваных праектаў для вызначэння іх уздзеяння, эфектыўнасці і ўстойлівасці;
- Падрыхтоўка дэталёвых справаздач аб ацэнцы з рэкамендацыямі для далейшых дзеянняў і паляпшэнняў;
- Удзел у падрыхтоўцы наратыўных справаздач праз прадстаўленне дадзеных, а таксама вынікаў працэсаў маніторынгу і ацэнкі;
- Каардынацыя дзейнасці з персаналам партнёрскай арганізацыі (Дацкі інстытут культуры) у рамках агульнага менеджменту FSTP.
Неабходныя навыкі і досвед:
- Ступень бакалаўра або магістра ў гуманітарных навуках, дзяржаўным кіраванні або менеджменце;
- Мінімум 3 гады досведу кіравання грантамі, пераважна ў праектах, якія фінансуюцца Еўразвязам;
- Выдатныя веды беларускага аперацыйнага кантэксту, уключна з адметнасцямі існавання грамадзянскай супольнасці ў нестабільных умовах, дзейнасцю арганізацый у выгнанні і пытаннямі бяспекі;
- Здольнасць эфектыўна працаваць у геаграфічна размеркаванай камандзе;
- Уменне працаваць пад мінімальным кантролем і з высокім узроўнем устойлівасці да стрэсаў;
- Здольнасць захоўваць максімальны ўзровень дыскрэтнасці і канфідэнцыйнасці пры выкананні абавязкаў;
- Пацверджаныя ўменні весці бухгалтэрыю, веданне лагістыкі і адміністрацыі;
- Выдатныя навыкі працы з камп’ютарам, разуменне адметнасцяў захавання бяспекі дадзеных і валоданне інструментамі для іх абароны;
- Выдатнае валоданне беларускай і англійскай мовамі (пісьмовая і вусная).
Дадатковая ўмова:
Месца жыхарства – краіна Еўразвязу.
Парадак падачы заявак:
Калі ласка, дашліце заяўку (CV і кароткі ліст аб зацікаўленасці) на электронную пошту: [email protected].
Будзем удзячныя за рэкамендацыі ад былых працадаўцаў альбо кантакты асобаў, якія могуць даць вам рэкамендацыю.
Пытанні, датычныя аб’явы і працэсу падачы заявак, таксама можна скіроўваць на электронную пошту: [email protected].
Толькі кандыдаты, якія трапяць у шорт-ліст, будуць запрошаныя на сумоўе.
