Назва пазіцыі: Менеджар у справе сувязяў з грамадскасцю і партнёрамі
Месца працы: Вільня (Літва) або Варшава (Польшча)
Тып кантракта: Працоўная дамова
Меркаваная дата пачатку працы: Сакавік 2025 года
Працягласць кантракта: 34 месяцаў
Занятасць: 50%
Тэрмін падачы заявак: да 21 студзеня 2025 года
Апісанне пазіцыі:
Арганізацыя і падтрыманне стратэгічнай камунікацыі з асноўнымі зацікаўленымі бакамі ў сферы культуры і грамадзянскай супольнасці – НДА, медыя, палітыкамі, культурніцкімі асацыяцыямі, бізнесам і інш.
Абавязкі і адказнасць:
- Арганізацыя і каардынацыя PR-актыўнасцяў, адаптацыя і рэалізацыя плана камунікацыі і забеспячэння бачнасці праекта;
- Развіццё і падтрыманне адносінаў з ключавымі зацікаўленымі бакамі ў галіне культуры і грамадзянскай супольнасці, уключна з НДА, палітыкамі, культурніцкімі асацыяцыямі і бізнесам;
- Выкананне ролі асноўнага кантактнай асобы для спонсараў і мецэнатаў культуры;
- Каардынацыя рэгулярнай камунікацыі і інфармавання ўсіх зацікаўленых бакоў пра ход праекта ў адпаведнасці з яго мэтамі;
- Арганізацыя офлайн-сустрэч, уключна з культурніцкімі форумамі, канферэнцыямі і сустрэчамі для ўмацавання сувязяў сярод зацікаўленых бакоў;
- Супрацоўніцтва з камандай праекта для шырокага асвятлення паспяховых гісторый і вынікаў праекта;
- Прадстаўленне БРК і праекта на публічных мерапрыемствах;
- Абарона мэтаў праекта перад прадстаўнікамі ўрадаў і палітыкамі ў галіне культуры;
- Распрацоўка і каардынацыя міжнародных адвакацыйных кампаній, а таксама інфармацыйных кампаній з мэтай прыцягнення дадатковага фінансавання;
- Маніторынг уздзеяння праекта і яго інфармацыйнай стратэгіі на аўдыторыю ў Беларусі і за яе межамі;
- Каардынацыя міжнародных канферэнцый і тэматычных круглых сталоў, арганізаваных БРК, стварэнне камунікацыйных і сеткавых прастораў для выпускнікоў праграмы і беларускіх творцаў і дзеячаў культуры.
Неабходныя навыкі і досвед:
- Акадэмічная ступень магістра ў менеджменце, маркетынгу, камунікацыях або сумежных дысцыплінах;
- Пацверджаны досвед працы ў сферы публічных камунікацый у некамерцыйным сектары, асабліва важным будзе досвед працы ў сферы культуры;
- Веданне культурніцкага сектара Беларусі і беларускай дыяспары;
- Шырокая сетка кантактаў і значны сацыяльны капітал у культурніцкай і грамадзянскай супольнасцях;
- Выдатныя арганізацыйныя навыкі і здольнасць працаваць пад ціскам;
- Высокія навыкі міжасобаснай камунікацыі, навыкі групавой камунікацыі, валоданне тэхнікамі вырашэння канфліктаў, уменне правацаваць у камандзе;
- Выдатныя навыкі працы з камп’ютарам, разуменне адметнасцяў захавання бяспекі дадзеных і валоданне інструментамі для іх абароны;
- Выдатнае валоданне беларускай і англійскай мовамі (пісьмовая і вусная).
Дадатковая ўмова:
Месца жыхарства – краіна Еўразвязу.
Парадак падачы заявак:
Калі ласка, дашліце заяўку (CV і кароткі ліст аб зацікаўленасці) на электронную пошту: [email protected].
Будзем удзячныя за рэкамендацыі ад былых працадаўцаў альбо кантакты асобаў, якія могуць даць вам рэкамендацыю.
Пытанні, датычныя аб’явы і працэсу падачы заявак, таксама можна скіроўваць на электронную пошту: [email protected].
Толькі кандыдаты, якія трапяць у шорт-ліст, будуць запрошаныя на сумоўе.
