Назва пазіцыі: Каардынатар праекта
Месца працы: Вільня (Літва) або Варшава (Польшча)
Тып кантракта: Працоўная дамова
Меркаваная дата пачатку працы: Сакавік 2025 года
Працягласць кантракта: 36 месяцаў
Занятасць: Поўная
Тэрмін падачы заявак: Да 21 студзеня 2025 года
Апісанне пазіцыі:
Каардынацыя сэнсавай дзейнасці праекта і кіраванне чалавечымі рэсурсамі, уключна з арганізацыяй мерапрыемстваў, звязаных з устойлівасцю праекта. Пазіцыя прадугледжвае выкананне менеджарскіх функцый і абавязкаў.
Абавязкі і адказнасць:
- Распрацоўка і падтрыманне падрабязных планаў рэалізацыі праекта і графікаў выканання работ;
- Каардынацыя дзейнасці Беларускай рады культуры (БРК) ў межах праекта і забеспячэнне працэсу дасягнення вынікаў, за якія адказвае БРК;
- Каардынацыя праекта ў цесным супрацоўніцтве з партнёрскай арганізацыяй – Дацкім інстытутам культуры;
- Кіраванне тэматычнай дзейнасцю праекта і працай каманды;
- Забеспячэнне адпаведнасці патрабаванням фінансавання Еўразвязу, уключна з выкананнем стандартаў па закупках і справаздачнасці;
- Кіраванне працай і кансультаванне членаў каманды і экспертаў, прыцягнутых да выканання праекта;
- Каардынацыя мерапрыемстваў па павышэнні кампетэнцый каманды і зацікаўленых бакоў;
- Арганізацыя рэгулярных камандных сустрэч для аналізу прагрэсу і вырашэння праблем;
- Падрыхтоўка наратыўных справаздач (прамежкавых і фінальных) ад імя БРК;
- Маніторынг рызыкаў праекта і распрацоўка захадаў па іх мінімізацыі;
- Умацаванне адносінаў з ключавымі зацікаўленымі бакамі, уключна з беларускімі і еўрапейскімі арганізацыямі, донарскімі агенцтвамі і культурніцкімі інстытуцыямі;
- Садзеянне супрацоўніцтву з іншымі беларускімі арганізацыямі і праектамі, што фінансуюцца Еўразвязам;
- Удзел у падрыхтоўцы фінансавых справаздач і забеспячэнне іх адпаведнасці праектным актыўнасцям.
Неабходныя навыкі і досвед:
- Ступень бакалаўра ці магістра ў сацыяльных навуках, культуры, медыя, менеджменце ці іншай адпаведнай дысцыпліне;
- Пацверджаны досвед (не менш за 5 гадоў) каардынацыі або кіравання праектамі, пажадана ў культурніцкай або сацыяльнай сферы;
- Глыбокае разуменне патрабаванняў да праектаў, якія фінансуюцца Еўразвязам, уключна са справаздачнасцю;
- Высокія арганізатарскія здольнасці, валоданне навыкамі тайм-менеджменту;
- Досвед працы з Еўрапейскай Камісіяй ці дэлегацыяй Еўразвязу;
- Здольнасць эфектыўна працаваць у геаграфічна раз’яднанай камандзе;
- Здольнасць працаваць з мінімальным кантролем, устойлівась да стрэсу;
- Валоданне ўменнямі падрыхтоўкі выніковай справаздачнасці;
- Выдатнае валоданне беларускай і англійскай мовамі (пісьмовая і вусная);
- Веданне культурніцкага поля Беларусі і грамадзянскага сектару краіны;
- Выдатныя навыкі працы з камп’ютарам, разуменне адметнасцяў захавання бяспекі дадзеных і валоданне інструментамі для іх абароны.
Дадатковая ўмова:
Месца жыхарства – краіна Еўразвязу.
Парадак падачы заявак:
Калі ласка, дашліце заяўку (CV і кароткі ліст аб зацікаўленасці) на электронную пошту: [email protected].
Будзем удзячныя за рэкамендацыі ад былых працадаўцаў альбо кантакты асобаў, якія могуць даць вам рэкамендацыю.
Пытанні, датычныя аб’явы і працэсу падачы заявак, таксама можна скіроўваць на электронную пошту: [email protected].
Толькі кандыдаты, якія трапяць у шорт-ліст, будуць запрошаныя на сумоўе.
