Праграма рэформаў падтрымкі культуры і мастацтва

Беларуская Рада культуры ініцыявала стварэнне Праграмы рэформаў падтрымкі культуры і мастацтва Беларусі. Ніжэй дарожная карта па рэалізацыі задумы.

Стварэнне «дарожнай карты»

Зацвярджэнне дарожнай карты Бордам Рады дае старт працы над паэтапнай падрыхтоўкай праекта рэформаў падтрымкі культуры і мастацтва.

Фармаванне «Карты сувязяў»

Карта сувязяў — гэта каталог каардынатаў структур і персон са сферы мастацтва і сумежных галін, якія могуць быць ўцягнутыя ў працу над праектам у розных якасцях: экспертаў, кансультантаў, рэцыпіентаў, дарадцаў, спонсараў.

Карта сувязяў ствараецца на аснове апытальных лістоў, якія запаўняюцца як сябрамі Борда Рады, так і зацікаўленымі асобамі і структурамі па наступных раздзелах: музыка; тэатр; кінематограф; літаратура; выяўленчае мастацтва; класічная музыка; менеджмент у сферы выканальніцкіх мастацтваў; арт-менеджмент, галерэйная і выставачная дзейнасць; крытыка і мастацтвазнаўства; музейная дзейнасць і захаванне спадчыны.

Кансультацыі з замежнымі экспертамі

Прамыя перамовы, так і атрыманне дакументаў аб структурах падтрымкі культуры і мастацтва ў розных краінах. У гэты перыяд могуць быць заключаныя пагадненні са структурамі розных краінаў аб стратэгічным партнёрстве з Беларускай Радай культуры для аказання яму дапамогі на ўсіх стадыях падрыхтоўкі праграмы рэформаў.

Кансультацыі з беларускімі дзеячамі мастацтва

Анлайн-сустрэчы па напрамках розных сфер дзейнасці: музыка; тэатр; кінематограф; літаратура; выяўленчае мастацтва; класічная музыка; менеджмент у сферы выканальніцкіх мастацтваў; арт-менеджмент, галерэйная і выставачная дзейнасць; крытыка і мастацтвазнаўства; музейная дзейнасць і захаванне спадчыны.

Структура Праграмы рэформаў

Вызначэнне ўсіх раздзелаў праграмы рэформаў, так і апісанне сумежных працэсаў: стварэнне прафсаюза творчых дзеячаў; рэфармаванне сістэмы абароны аўтарскіх правоў; правядзенне рэфармавання тэатральнай сферы; стварэнне плана ўзаемадзеяння з парламентам etc

Кансультацыі з прадстаўнікамі юрыдычнай сферы

Кансультацыі як з беларускімі юрыстамі і адвакатамі, так і з замежнымі прадстаўнікамі юрыдычнай сферы, неабходныя для кантролю правамернасці праграмы рэформаў пры яе стварэнні.

Размеркаванне аўтарства па раздзелах

Вызначэнне аўтараў для напісання раздзелаў і вызначэнне дэдлайнаў па завяршэнні стварэння базавых драфтаў па кожным з раздзелаў праграмы.

Стварэнне асноўнага дакумента праграмы рэформаў

Напісанне ўсіх раздзелаў і фарміраванне поўнага пакета праграмы, уключаючы ілюстрацыйны шэраг.

Фінальны драфт Праграмы

Стварэнне фінальнага драфта тэксту праграмы - канчатковая рэдактура, карэктура і ўнясенне неабходных правак і дапаўненняў.

Прэзентацыя Праграмы рэформаў падтрымкі культуры і мастацтва Беларусі